Animalien ongizatea: Europako Batzordearen dibulgazio-materialak
Garraioa eta hiltzea dira animalien ongizatearen arloko funtseko bi elementu. Hori dela eta, Europako Batzordeak fase horietarako Lanerako Jardunbide Egokiak jasotzen dituzten dibulgazio-materialak argitaratu ditu.
Hiltzea
Bideoa: Hiltzerako unean animalia babesteko jardunbide egokiak (azpidatziak gaztelaniaz)
Informazio orriak
Garraioa
2017ko azaroan, Europako Batzordeak Animalien Ongizaterako Europako Plataforma sortu zuen. Plataforma horrek material hauek sustatzen ditu, eta honako alderdi interesdun hauen 75 ordezkari ditu: GKEak, zientzialariak, estatu kideak, Europako Esparru Ekonomikoko (EEE) herrialdeak, nazioarteko erakundeak eta EFSA (Elikagaien Segurtasuneko Europako Agintaritza).
Plataformaren helburua da elkarrizketa abiaraztea agintari eskudunen, enpresen, gizarte zibilaren eta zientzialarien artean, Europar Batasuneko herritarrei eragiten dieten animalien ongizateari buruzko gaiak lantzeko. Hala, hau lortu nahi da:
- EBko animalien ongizatearen arloko arauak hobeto aplikatzea. Horretarako, beharrezkoa da informazioa trukatzea, jardunbideak hobetzea eta alderdi interesdunak zuzenean inplikatzea.
- Enpresek borondatezko konpromisoak adostea eta erabiltzea.
- EBko animalien ongizatearen arloko arauak sustatzea mundu osoan.
