Ardiak eta ahuntzak burtzoratu eta hiltzeko adierazleak 14/01/10
EFSAko Animalien Osasuna eta Ongizatea arloko adituen panelak (AHAW ingeleseko siglak) hainbat zientzia-irizpen eman ditu hiltegietan zenbait espezie burtzoratu eta hiltzeko metodoen kontrol-prozedurei buruz.
Hausnarkari txikiei (ardiak eta ahuntzak) dagokienez, AHAWk adierazleak proposatu ditu, animaliak hiltzeko sistema egokiak monitorizatzeko eta, horrela, ongizatea bermatzeko:
1. Elektrizitate bidez burtzoratzea Honako hauek dira hiltze-prozesuaren hiru etapa giltzarriak: burtzoratu bezain pronto (1. etapa), lepoa mozten zaien bitartean (2. etapa) eta odolusten diren bitartean (3. etapa).
Honako hauek dira 1. etapako adierazleak:
- Konbultsio toniko / klonikoak
- Arnasketa
- Korneako edo betazaletako erreflexua
- Horiez gain, bat-bateko begi-kliska, jarrera eta bokalizazioak
2. etapakoadierazleak:
- Arnasketa
- Konbultsio toniko / klonikoak
- Muskulu-tonua
- Horiez gain, korneako edo betazaletako erreflexua, bat-bateko begi-kliska eta bokalizazioak
3. etapako adierazleak:
- Arnasketa
- Muskulu-tonua
- Horiez gain, korneako edo betazaletako erreflexua, bat-bateko begi-kliska eta bokalizazioak
2. Burtzoratu gabe: Kasu honetan, egiaztatu egin behar da animalien inkontzientzia-egoera loturetatik askatu aurretik, eta animaliak hilik daudela bermatu behar da prozesuarekin jarraitu aurretik. Kasu honetan adierazle hauek gomendatzen dira:
- Arnasketa
- Muskulu-tonua
- Horiez gain, jarrera eta korneako eta betazaletako erreflexua