EFSAk aztertu egin du txerrien buztan-ebakitzea 14/06/20
EFSAk iritzi bat argitaratu du, txerrien buztanaren anputazioari buruz. Anputazioa prozedura bat da, txerriek elkarren buztanei kosk egiteko arriskua murrizteko; izan ere, hori da espezie horren hazkuntza modernoaren arazo nagusietako bat.
Jokabide horrek zenbait kausa izan ditzake, hala nola, txerriek euren jarrera-beharrizanak asebetetzeko behar dituzten material manipulagarririk ez egotea: lastoa, belar lehorra, siloratzea, ongarria eta turba. Material manipulagarrien beharrizan hori aldatu egin daiteke, txerri-motaren arabera.
EFSAren iritzian identifikatu egiten dira kaudofagia eragiten duten arrisku-faktoreen, horrek animalien ongizatean dituen ondorioen eta ongizate-adierazleen arteko interakzioak.
Txostenean, besteak beste, ondorio hauek jasotzen dira:
- Txerriek material manipulagarriak behar dituzte, hainbat jarrera-beharrizan asebetetzeko. Horiek txerri-motaren arabera alda daitezke. Bada, beharrizan horiek asebetetzen ez direnean, ongizate-arazoak sortzen dira, eta horietako bat da baztertutako eta loditzeko txerrikumeen arteko kaudofagia.
- Material manipulagarri batzuek, orobat, ondorio kaltegarriak izan ditzakete txerrien ongizatearen beste alderdi batzuetan. Hala ere, ondorio kaltegarri horiek ez dira egoki aztertu.
- Animalia arazotsua egoki identifikatzea eta baztertzea funtsezko neurria da, buztana moztea saihesteko. Bestalde, ingurumen- eta maneiatze-faktoreak ere kontrolatu behar dira.
- Welfare Quality® nazioarteko proiektuak emandako datuen azterketan ez zen eman material manipulagarri ezberdinak darabiltzaten abeletxeetako animalien jarrera bereizteko emaitzarik. Proiektua ez zen diseinatu buztanei kosk egiteko arrisku-faktoreak ebaluatzeko; beraz, azterketa horri dagokionez, mugak ditu.
- Hornitutako material manipulagarriak eragina du azaleko lesio larrien prebalentzian.
Gaur egun dakigunaren arabera, kaudofagian ageri diren arrisku-faktore ezberdinen garrantzia erlatiboa eta faktore horien arteko interakzioa ez dira zientifikoki zenbatetsi. Horretarako, azterketa gehiago egin behar dira.