Elikagaien Segurtasuneko Europako Agintaritzak (EFSA), Gaixotasunak Prebenitzeko eta Kontrolatzeko Europako Zentroak (ECDC) eta EBren erreferentziazko laborategiak (EURL) hegazti-gripearen egoera epidemiologikoa ebaluatzen duen zientzia-irizpen bat argitaratu dute.

IAAP HEGAZTIETAN

Txosten horrek azpimarratzen du Europan, 2019/2020az geroztik, eskortako hegaztien eta hegazti basatien PHHG kasuen kopururik txikiena erregistratu dela 2024ko martxoaren 16tik ekainaren 14ra bitartean. Eskortako hegaztien artean antzemandako kasu gehienak hegazti basatiekin izandako zeharkako kontaktuaren ondorio izan dira, baina bigarren mailako hedapena ere egon da.

Hainbat faktorek eragin dute Europako egoera hobetzea, besteak beste: aurretiko infekzio baten ondoren hegazti basatiek garatu duten immunitatea; hegazti basatien zenbait populazio murriztea; ingurumen-kutsadurak behera egitea; eta genotipo biralen osaera aldatzea.

Hala ere, patogenotasun handiko hegazti-gripe PHHGaren birusak zirkulatzen jarraitzen du, baina oso maila baxuan; hortaz, txostenaren ondorio eta gomendio nagusia da beharrezkoa dela zaintza areagotzea, 24/25 denboraldian, udazkenean, hegazti migratzaileak iristen direnean.

Europatik kanpo, adituek PHHGak kaltetutako ugaztunen ustekabeko aniztasuna nabarmentzen dute, baita Ipar Amerikako eskortako hegaztien, hegazti basatien eta ugaztunen artean dabiltzan genotipo desberdinak ere. Bereziki AEBan, egoera epidemiologikoa areagotu egin zen; izan ere, esne-behien 130 ustiategitan baino gehiagotan H5N1 PHHG birusaren genotipo berri bat (B3.13) identifikatu dute.

Badirudi behien infekzioa errapean eta infektatutako animalien esnean oinarritzen dela. Behi-esne gordina karga biriko handiko transmisio-bide ezusteko eta berritzat hartzen da, baina ez da egiaztatu behien arteko zuzeneko transmisioa dagoenik.

AEBko osasun-agintariek pasteurizazio industriala gomendatzen dute behi-esne gordinean birusa inaktibatzeko.

IAAP GIZAKIETAN

Infektatutako animalien eta gizakien arteko transmisioa ez da oso ohikoa, baina Estatu Batuetan gizakien hegazti-gripearen lau kasu jakinarazi dira, 2024ko apirilaz geroztik aziendaren eraginpean egon diren kaltetuko ustiategien langileen artean.

Europan ez da baieztatu A (H5N1) hegazti-gripearen birusak EB/EEEko gizakietan eragindako infekziorik. Nolanahi ere, ECDCk ohartarazi du oso garrantzitsua dela osasun arloko profesionalak (lehen mailako zein bigarren mailako arretakoak) gizakien artean infekzio kasuak aurkitzeko aukerari buruz kontzientziaren jarraitzea.

Honako hauek dira ECDCk uda honetarako gaixotasun horren zaintzari buruz eman dituen gomendioak:

  • Gizakietan PHHGaren detekzio-probak egiteko atalasea murriztea, aintzat hartuta eraginpean dauden sintomarik gabeko pertsonentzako arriskua.
  • Detekzio-probak egitea PHHGarekin bateragarriak izan daitezkeen sintomak dituzten ospitaleratu guztiei eta urtaroko gripearen birusarentzat negatiboak diren A gripearen lagin positiboak ikertzen jarraitzea.
  • Biosegurtasunerako eta norberaren babeserako neurriak erabakigarriak dira gizakiak kutsatzeko arriskua minimizatzeko. Babes-neurri horiek ahalik eta mailarik handienean bete behar dira.

Garrantzitsua da adieraztea, gaur egun, EB/EEEn hegazti-gripe zoonotikoaren arriskuak oso txikia izaten jarraitzen duela oro har biztanleentzat, eta txikia edo ertaina lanean eraginpean dauden pertsonentzat edo beste mota bateko pertsonentzat.

Avian influenza overview March–June 2024
Influenza aviar: se recomienda aumentar la vigilancia

Hegazti-gripeari buruzko informazio gehiago esteka honetan aurki daiteke:

Hegazti gripearen mikrositea