Europak albaitaritza-sendagaiei buruzko arau berriak argitaratuko ditu
Europar Batasunak (EB) aurki argitaratuko ditu hiru araudi berri, eta horiek eguneratu egingo dute albaitaritza-sendagaien eta sendagai-pentsuen esparrua, honako xede hauekin:
- Erresistentzia antimikrobianoari (AMR) modu eraginkorragoan aurre egitea.
- Sendagaien/sendagai-pentsuen eskuragarritasuna eta segurtasuna areagotzea.
Zehazki, honako hauek dira Araudiak:
- Albaitaritza-sendagaiei buruzko Araudia, Europako Parlamentuarena eta Kontseiluarena
- 2001/82/CE Zuzentaraua baliogabetzen duena
- Albaitaritza-pentsuen ekoizpenari, komertzializazioari eta erabilerari buruzko Araua, Europako Parlamentuarena eta Kontseiluarena
- 183/2005 Araudia (EE) aldarazi eta 90/167/CEE Zuzentaraua baliogabetzen duena
- Europako Parlamentuaren eta Kontseiluaren Araudia
- 726/2004 Araudia (EE) aldarazten du. Horren bidez ezartzen dira giza eta abere erabilerarako sendagaiak baimendu eta kontrolatzeko erkidego mailako prozedurak eta sortzen da Sendagaietarako Europako Agentzia 1901/2006 Araudia (EE) aldarazten du, erabilera pediatrikorako sendagaiei buruzkoa. 2001/83/CE Zuzentaraua aldarazten du. Horren bidez ezartzen da erkidego mailako kode bat giza erabilerarako sendagaiei buruz.
Aurreikusi da arau hauek 2018ko amaieran edo 2019ko hasieran argitaratuko direla eta 3 urte geroago aplikatuko direla. Bitartean, lege-egintza gehigarriak gauzatuko dira, zenbait alderdi zehatz babestu/osatzeko.
ZEINTZUK IZANGO DIRA BALDINTZA BERRIAK?
- Debekatu egingo da sendagai-pentsuetan antibiotikoak pilaka erabiltzea eta horien erabilera prebentiboa. Albaitariek pentsu horien errezeta egin beharko dute beti, aurre-azterketa egokia egin ostean.
- Mugatu egingo da antibiotikoen erabilera neurri prebentibo gisa. Kasu hauetan baino ezingo dira erabili: albaitari batek justifikatzen badu edo infekzio-arrisku handia badago.
- Taldekako tratamenduak baimenduko dira, beti ere ez badago beste alternatiba egokirik eta albaitari batek gomendatzen badu.
- Zenbait antimikrobiano giza tratamendurako gordeko dira.
- Albaitaritza-sendagaiak ezingo dira inoiz erabili animaliak azkarrago haz daitezen.
- Animalia-jatorriko produktuen inportazioaren bidez, AMRen hedapen-arriskuaren aurkako babesa hobetzen da; izan ere, hirugarren herrialdeek bete egin beharko dute hazkuntza bultzatzeko antibiotikoak erabiltzeko debekua.
Gaiari buruzko informazio gehiago:
- Prentsa oharra – EE, 2018/11/26
- Galderak eta erantzunak (ingelesez) – EE, 2018/11/26
Informazio-materiala: