Europako Batzordeak patogenotasun handiko hegazti-gripearen (PHHG) prebentzio neurriei eta gaixotasunari aurre egiteari buruzko orientazio-gida bat argitaratu berri du, hegaztiak ez diren animaliengan izan ditzakeen ondorio zoonotikoak ere jasota.

AEBn esne-behietan eta beste espezie batzuetan inpaktu zoonotikoa izateko potentziala duen H5N1 – B3.13 PHHGaren detekzio-testuingurua kontuan hartuta, bai eta esnearen eta esnekien kontsumoaren bidez zirkulatzeko gaitasuna duela ikusita ere, Europako Batzordeak dokumentu hori argitaratu du Europa mailan aplikatzeko ekintzetarako orientabide gisa.

Txostenean jasotzen dira, halaber, prestaketa- eta/edo erantzun-ekintzen abiarazle izan daitezkeen faktoreak, birusa detektatzen denean; hala nola hauek:

  • AEBko esne-behietan andui estatubatuarraren B3.13 birus genotipoaren hedapena kontrolatuta ez egotea, edo AEBtik ondoko herrialdeetara zabaltzea, Europako Batzordearentzako arriskua handituko bailuke.
  • Birusa Europara hedatzea (EFSAren zantzuak edo bestelako zaintza-datuen ondoriozkoak).
  • Transmisio-bide berriak, bularreko behien mugimenduaz harago, batez ere gizakienganakoak elikagaien bidez.
  • Gizakion arteko transmisio-zantzuak.
  • EBn esne-behietan detektatzea PHHGaren edozein birusen bidezko infekzioak edo berariazko arriskuren bat ekartzen duten EBko PHHGren mutazio zirkulatzaile espezifikoak.
  • EBn detektatzea, hegaztiak ez diren edozein espezietan, ingurunean edo hondakin-uretan, AEBko anduiaren B3.13 birus genotipoa, hegaztiak ez diren definitutako animalien azpipopulazioari egotz dakiokeena.
  • AEBtik edo beste leku batetik ekarritako birus horrekin (B3.13) infektatutako animaliaren bat detektatzea.
  • EBn AEBko (edo ezaugarri berberak dituen beste edozein) anduiaren B3.13 birus genotipoak eragindako tokiko giza kasu bat detektatzea.

Duela gutxi adierazi genuen moduan, EBko esne-behiak gaur egun AEBn dagoen birusarekin infektatzeko arriskuaren aurrean EBn hartutako neurriei dagokienez —orain arte Europan EZ da halakorik detektatu—, EFSAk 2025ean bi iritzi zientifiko argitaratu ditu, sarbide posibleak aztertzeko, arriskua kudeatzeko neurriak gomendatzeko eta andui eragileari buruzko informazioa zabaltzeko.

Azpimarratu behar da, hedapena kontrolatzeko, EBk gaur egun AEBko esne eta produktu guztiak pasteurizatzera behartzen duela, merkatu bakarrean sartu ahal izateko.

Informazio gehiago hurrengo estekan:

Hegazti gripearen Mikrositea
Highly Pathogenic Avian Influenza – Scenarios for the EU measures in animals other than birds, and food in the context of detections of HPAIV (H5N1 – B3.13 and others) in US dairy cows Commission Working Document Guidance Document