Hegazti-gripea: prebentziorako neurri berriak Euskadin
Ekonomiaren Garapen, Jasangarritasun eta Ingurumeneko sailburuaren 2022ko abenduaren 5eko AGINDUAREN bidez, Euskal Autonomia Erkidegoan hegazti-gripearen aurka hartu beharreko prebentzio-neurriak ezartzen dira.
Aurten EAE osoan zehar hegazti basatietan H5N1 PHHG 22 foku jakinarazi dira; hortaz, Euskadin aurten izandako intzidentzia kontuan hartuta, eta Euskadiko eskortako hegaztien ustiategietan gaixotasun horren kasuak ekiditeko, hegazti-sektorea birusetik babesteko prebentzio-neurri batzuk aktibatu behar dira.
Neurriak biosegurtasuna, zaintza aktiboa eta pasiboa eta erregistro eta erroldak indartzera bideratuta daude. Agindu horren bidez, honako hauek debekatzen dira:
- Anseriformes eta Charadriiformes aginduko hegaztiak amu gisa erabiltzea.
- Eskortako hegaztiak aire zabalean elikatzea.
- Hegazti basatiek sarbidea duten ur-andeletatik eskortako hegaztiei ura ematea.
Bestalde, aldeko arrisku-analisia jaso ondoren eta baimenean jasotzen den baldintza-agiria derrigorrez bete ondoren, agintari eskudunek baimendu beharko dituzte honako jarduera hauek:
- Eskortako edo itxitako hegaztiak biltzea (abere-lehiaketak, erakusketak eta kultura‑ospakizunak).
- Eskortako hegaztiak askatzea birpopulatzeko.
Gainera, foru-aldundietako animalien osasun-arloko zerbitzu eskudunek:
- Hegazti-erroldak egunera ditzakete, autokontsumokoak barne.
- Osasun-ikuskapenak egin ditzakete, zaintza aktiboko sistemaren barruan beharrezkoa bada.
Bestalde, hegaztien hilotzak (bereziki espezie urtarrenak badira) aurkitzen dituen pertsona orori lehenbailehen foru-aldundiei jakinarazteko eskatzen zaio, beharrezko neurriak har ditzaten.
Hortaz, eta aldez aurretik agintari eskudunei eta hegazti-sektoreari galdetu ondoren, Ekonomiaren Garapen, Jasangarritasun eta Ingurumen Sailak Agindu hau argitaratu du. Agindua Euskal Herriko Agintaritzaren Aldizkarian argitaratu eta hurrengo egunean indarrean jarriko da, hau da, 2022ko abenduaren 17an.
