Ekonomiaren Garapen, Jasangarritasun eta Ingurumen Sailak 2022ko urtarrilaren 11tik aurrera indarrean (2021eko urtarrilaren 4ko Aginduan aurreikusitakoak) Euskal Autonomia Erkidegoan hegaztien eraginaren aurka hartu beharreko prebentzio-neurriak ezartzen dituen Ekonomiaren Garapen, Jasangarritasun eta Ingurumeneko sailburuaren 2021eko abenduaren 28ko Agindua argitaratu du.

HGOPak Europan duen egoeraren inguruko informazioa jaso dugu, eta, horren arabera, orain dela hilabete batzuetatik birusa hedatzeko arriskua handitu da Europako hegoalde eta mendebaldean; izan ere, uretako hegazti basatiek migratu egin dute Europako ekialde eta iparraldetik.

Azken asteotan hainbat foku jakinarazi dira EBko hainbat herrialdetako hegazti basati eta etxeko hegazti batzuetan; foku horien artean, azpimarratzekoak dira Portugalgo fokua eta Landetako ahate-ustiategi bateko agerraldia. Horrez gain, 2022/01/04an MAPAk jakinarazi zuen IAAP H5N1 aldaera detektatu dutela Soseseko (Lleida) hainbat hegazti basatitan.

Horrenbestez, eta hegazti migratzaileek etxeko hegaztiekiko izan dezaketen arriskuari aurre egiteko, beharrezkoa da biosegurtasun-neurriak indartzea hegazti-bilduma eta oilategi guztietan (autokontsumorakoak barne).

Ondorioz, Sailak EAE osoan ezar daitekeen agindua argitaratu du; ezar daitezkeen neurrien artean, azpimarratzekoak dira ekoizpen-sistema estentsiboetan edota landako ekoizpen‑sistemetan osasun-kontrolerako neurriak, biosegurtasuna indartzearen bidez:

  • Debekatuta dago hegaztiak (Anseriformes eta Charadriiformes aginduak) ehizaldian basa-hegaztiak erakartzeko amu gisa erabiltzea, agintaritza eskudunak baimendutako zenbait salbuespenekin.
  • Debekatuta dago etxeko hegaztiak aire zabalean haztea, agintari eskudunak baimendutako zenbait salbuespenekin.
  • Debekatuta dago hegazti basatiak sar daitezkeen ur-andeletatik datozen etxeko hegaztiei ura ematea, birusa inaktibatzeko tratatu denean izan ezik.
  • Debekatuta dago animaliak kontzentratzeko zentroetan etxeko hegaztiak edo gatibu hartutako beste hegazti mota batzuk egotea.
  • Ehiza egiteko ehiza-eremuetatik birpopulatzeko diren etxeko hegaztiak askatzeko, dagokion foru-aldundiaren berariazko baimena beharko da, aldez aurretik hala eskatuta eta aldeko emaitza izan duen arrisku-analisi batean oinarrituta, biosegurtasun-neurri egokiak aplikatu direla egiaztatu ondoren.

Neurri horiekin batera, hegazti-establezimenduetan (autokontsumorakoak barne) erregistroak indartu dira, baita zaintza pasibo eta aktiboko sistemak ere.

Agindua, 2022ko urtarrilaren 11tik aurrera baliozkoa, eta Aginduan hartutako neurriak aldatu edo kendu egingo dira, zirkunstantzia epizootikoak eta gaixotasunaren bilakaera kontuan hartuta.

ORDEN de 28 de diciembre de 2021, de la Consejera de Desarrollo Económico, Sostenibilidad y Medio Ambiente, por la que se establecen medidas de prevención a adoptar en la Comunidad Autónoma de Euskadi, contra la influenza aviar.
MIKROSITE HEGAZTI GRIPEA