EFSAk txosten zientifiko bat argitaratu berri du, eta, txosten horretan, jakinarazi du txerri-izurri afrikarraren (TIA) kasuen kopuruak gora egin duela Europako etxe-txerrien artean.

Txostenean azpimarragarriarena da 2023an etxe-txerrien artean txerri-izurri afrikarraren (TIA) agerraldien kopuru handiena erregistratu zela 2014az geroztik; hortaz, agerraldien kopurua aurreko urtekoa baino bost aldiz handiagoa izan da. Guztira, 14 estatu kide dira TIAk eragindakoak. Kroaziak eta Errumaniak agerraldi guztien (1.929) % 96 jakinarazi zituzten.

Basurdeen egoerari dagokionez, aurreko urtean baino % 10 kasu gehiago egon ziren. Zenbait herrialde lehenengo aldiz kaltetu zituen TIAk (Suedia eta Kroazia), eta Italiako beste eremu batzuetara zabaldu zen. Grezian, bi urtez kasurik antzeman gabe egon ondoren, birusa hedatu egin zela jakinarazi zuten. Kontinentearen ekialdean (besteak beste, Alemanian, Hungarian eta Eslovakian) hobetu egin zen egoera epidemiologikoa, agerraldien kopurua murriztu egin baitzen.

EFSAko adituen gomendioak

  • Etxe-txerrietan, TIA antzemateko, gomendatzen da zaintza pasiboa lehenestea eta txerri osasuntsuen zaintza aktiboko ahaleginak murriztea hiltzeko unean, garraitu aurretik edo txerri-ustiategietan ausaz aukeratu aurretik. Arriskutsutzat jotako eremuetan eta murrizketa-eremuetan, astero establezimendu bakoitzean hildako bi txerriren laginketa egitea (zaintza pasibo indartua), bereziki 1.000 txerritik gorako establezimendu handietan.
  • Basurdeen artean TIA antzemateko, zaintza aktiboaren ordez (ehizatutako basurdeen azterketa) zaintza pasiboa gomendatzen da eta basurdeen hilotzen ikerketa egiten jarraitzea.
  • Azpimarratzen da behar-beharrezkoa dela ehizari buruzko datu fidagarriak biltzea eta ENETWILDi aurkeztea, basurdeen populazioen bilakaera jarraitu ahal izateko.

Susmo klinikoa etxe-txerrien ustiategietan TIA antzemateko modu nagusia izaten jarraitzen du. Halaber, gaixotasunaren zeinu klinikoak behatzea ere etxe-txerrien ustiategietan TIA antzemateko modu nagusia da oraindik ere. Hortaz, abeltzain eta albaitariek zeregin garrantzitsua dute kasu susmagarrien berri ematean.

Epidemiological analysis of African swine fever in the European Union during 2023

Esteka honetan, TIAri buruzko informazio gehiago duzu:

Afrikako-txerri-izurriaren mikrositea