Higiene betekizun orokorrak

Ustiategietan pentsuen kutsadura-arriskuaren maila ahalik eta txikiena izan dadin, pentsuen higieneari buruzko 183/2005 Araudiko III. Eranskinean jasotako jardunbide egokiak bete behar dira:

  • Erregistratutako eta/edo baimendutako enpresetatik datozen pentsuak erabiltzea
  • Elikadura-ekipoak garbi eta egoera onean mantentzea
  • Pentsuak modu egokian biltegiratzea
  • Izurriteak kontrolatzeko sistema ezartzea
  • Kalitate egokiko edateko ura erabiltzea

Elikagaien ekoizpen propioa ustiategian

Pentsuak ustiategietan bertan ekoizten direnean:

  • Elikagaiak gehigarririk eta gehigarrien aurre-nahasketarik erabili gabe egiteko (siloratzean erabilitakoak salbu), 183/2005 Araudiko I. Eranskineko betekizunak bete behar dira.
  • Elikagaiak gehigarriak eta gehigarrien aurre-nahasketak erabiliz egiteko (siloratzean erabilitakoak salbu), 183/2005 Araudiko II. Eranskineko betekizunak bete behar dira.

Siloratze egokia gauzatzeko arauei buruzko liburuxka – ELIKA, Eusko Jaurlaritza, Foru-aldundiak, NEIKER-Tecnalia

Erreferentziako legeria

  • 90/2005 Dekretua, apirilaren 12koa, animalien elikadurako kontrol ofizialak eta arriskuak prebenitzea antolatzeko dena.

Erregistroak

Beste alde batetik, ustiategietan elikagaien higieneari buruzko 852/2004 Araudiko I. Eranskineko A zatiko III. atalean zehaztutako erregistroak mantendu behar dira.
Horietako bat da animaliei ematen zaizkien elikagaien izaera eta jatorria:

  • Hornitzailea
  • Pentsu-sortaren/albaranaren zenbakia
  • Pentsua hartzen duten animalia-sortaren identifikazioa
  • Pentsua zein egunetan eman den eta kopurua
  • Elikagaiei ezarritako kontrolen emaitzak